«Ծնողի դպրոց»-ի հետ համագործակցության շրջանակներում Արևիկ բնակավայրում առաջին անգամ անցկացվեց «Ծնողավարում» դասընթացը։
Դասընթացի նպատակն էր օգնել ծնողներին հասկանալ իրենց դերը երեխայի զարգացման ու անհատական աճի գործընթացում՝ ներկայացնելով ժամանակակից ծնողական մոտեցումներ, արդյունավետ հաղորդակցման միջոցներ և խնդիրների լուծման կառուցողական ձևեր։
Մասնակիցները ներգրավվեցին գործնական վարժությունների, քննարկումների և իրավիճակային խաղերի մեջ՝ ուսումնասիրելով, թե ինչպես կարելի է ստեղծել վստահության, սիրո և բաց երկխոսության մթնոլորտ ընտանիքում։Դասընթացը ընդգծեց, որ ծնողավարումը պարզապես երեխայի դաստիարակությունը չէ, այլ՝ գիտակցված ճանապարհ, որտեղ ծնողն ինքն է սովորում, զարգանում և աճում իր երեխայի կողքին։
Այս նախաձեռնությունը կարևոր քայլ է համայնքի ընտանիքների կրթական ու հոգևոր ամրապնդման գործում՝ միավորելով ծնողներին ընդհանուր նպատակի շուրջ՝ ձևավորելու հոգատար, սիրով և հարգանքով լեցուն միջավայր իրենց երեխաների համար։
